中文卷一

2025 DSE 中文卷一 考評報告重點｜十二篇範文 + 白話文 + 文言文 拆解

一句總結成份卷 考評報告結尾嗰句寫得好白，考生喺無須闡述嘅考題表現較為「理想」，而喺須綜合、分析同說明嘅考題表現則欠佳。 睇數字就知唔係客套話。分辨之字用法 90.4%，尾聯用典 84.1%，說理手法辨識 83.2%，虛字以 76.9%。但一去到要你寫，問「明月松間照」點樣寄寓高潔品格，「差劣」；問「文學的目光」，「差劣」；問王若虛點樣反駁，「差劣」。同一批人，分別只在於一邊係揀，一邊係講。 嗰年考咩 甲部三篇指定篇章，《論仁、論孝、論君子》、《山居秋暝》同《六國論》。 乙部白話兩篇。第一篇節錄自蔣方舟《我們都曾以為自己會是小說的主人公》，作者討論文學嘅功能同價值，先敍述小說主人公會有覺醒嘅時候、徹底拋棄過往嘅生活，然後論述小說會讓生活變得更真實，最後點出文學會帶來與別不同嘅視角，發現萬事萬物之間微弱嘅關係。文中「旁徵博引」，用咗《了不起的蓋茨比》、《局外人》、《百年孤獨》、卡夫卡嘅小說同王爾德嘅說話做論據。 第二篇係柯裕棻《比正路還長的巷子》。作者先寫走進台北城市裏嘅巷子，感受到壓迫令人鬱悶慌亂；接着走進城郊嘅巷子，人嘅足跡逐漸消褪，同大自然嘅永恆相比顯得渺小；最後寫走進鄉下小鎮嘅巷子，營造悠閒從容嘅氣氛，領悟到人生短促無常，只有不執一念才能以澄明嘅心境面對人生。 文言兩則。第一則摘錄自《資治通鑑》，記述安史之亂時張巡、許遠死守睢陽，糧盡之時以人為食。作者用客觀史筆敍事，寫士卒先食茶紙，接着食馬同雀鼠，最後才食人，又寫百姓明知必死卻沒有背叛，藉以突出食人也是迫不得已。第二則係王若虛評論兩人，認為佢哋忠矣然而未仁，以「天下只有一個是」為主論點，反駁為張許辯護嘅人。 甲部：意象題只答一半 第 1 題字詞整體「良好」。「已」解「停止」，不俗。「急」解「脅迫、逼迫」，約半數人明白，部分誤解成速度，答急迫、急速。「卑」解「社會地位低下」，「優異」，答錯嘅多數誤以為指品格，答卑劣、低劣。「志」解「記述」，理想，惟少數人只配詞作答，答志向，忽略咗句意同詞性。 呢度最值得記係志字。配詞法配到志向係啱嘅詞，但放返落句就唔通。所以配完一定要做兩步，睇詞性、代返落句。 第 4 題第二分題要比較仁者同知者邊個更可貴，表現「欠佳」。大部分人只係語譯咗仁者安仁、知者利仁，冇提出評價嘅準則。不少人對知者嘅理解欠準確，認為知者只為一己之利而行仁，甚至為咗私利不擇手段，混淆咗知者同小人。事實上《論語》多仁智並舉，兩者均為孔子所肯定，兩者均重仁，惟知者行仁往往多思慮、顧及後果，不及仁者出於道德自覺。部分人以為孔子貶抑知者，實屬誤解。 比較題一定要有準則。你唔可以語譯完兩句就話仁者更可貴，要先講清楚你用咩去比，例如用動機，仁者出於本心，知者出於利害計算。有咗準則個比較先立得住。 第 6 題要分析「明月松間照」點樣寄寓高潔品格，表現「差劣」。能兼及明月同松兩個意象並準確說明嘅唔多。 錯法有幾種。不少人審題不周，以為考問詩句點樣營造山中寧靜嘅氣氛，於是用以動襯靜、以聲襯靜作答，所答既唔符合詩句內容亦冇回應考問點。部分人雖然指出月光皎潔或松樹挺拔象徵高潔，惟闡釋過於概括。也有人指作者隱居山中即表明不與俗世同流合污，冇就意象或意境說明。此外考生多數只分析明月而忽略咗松。間有考生自行臆測，例如講月亮孤高掛在天上代表不與俗世往還，缺乏文本依據。少數人更理解錯誤，以為天上嘅明月要同地上嘅松間構成對比，故松間象徵官場黑暗。 意象題最常見嘅死法就係只答一半。題目寫「明月松間照」，就係擺明兩個意象都要答，明月講皎潔，松講挺拔耐寒，兩樣加埋先係完整嘅寄託。你只寫明月，自動蝕一半。 第 8 題要就文本「各舉一例」說明《六國論》嘅陳辭如何「情理兼備」，表現「欠佳」。考生多數熟記篇章內容，惟審題粗疏，忽略咗只須就情同理「各舉一例」，所以例子頗為蕪雜，闡述多如蜻蜓點水。部分人只複述內容，冇指出分析嘅係情還是理，甚或以理為情。偶見考生以為考問「情理兼備」，就引述咗《出師表》作答。部分人掌握唔到關鍵論點為賂秦而力虧，只反覆說明北宋有能力一戰。 「各舉一例」四個字係指令。你舉三個例唔會有額外分，只會攤薄闡述。正確做法係情嗰邊揀先祖父暴霜露、斬荊棘嗰段，理嗰邊揀抱薪救火嗰個比喻，各寫兩三句就夠。...

2024 DSE 中文卷一 考評報告重點｜十二篇範文《師說》《岳陽樓記》＋ 李娟《繁盛》＋《世...

一個銜字，考起全港 2024 卷一有幾條題目特別能說明問題。 問《岳陽樓記》嘅「銜」遠山如果改成「接」遠山會唔會更好，表現「欠佳」。問點解人們認為差役「通達」，表現甚差。問蘇軾點解認為劉伶並非「通達」之人，表現「欠佳」。問末段「一百年前那個人冒雪而來」有咩作用，表現「欠佳」。 但同一份卷，辨識《師說》嘅說理手法有 95%，辨識比喻手法有 86.7%，辨識「繁盛」嘅寄意有 86.4%，律詩押韻有 81%。 考評報告結尾一句總結咗成份卷，考生對於不須分析說明和論推嘅考題表現較為「理想」，而對須綜合、分析和論述嘅考題表現則未如理想。 嗰年考咩 甲部考《師說》同《岳陽樓記》。除咗常見文言字詞，仲考押韻等近體詩基礎常識。《師說》要你舉例說明韓愈「小學大遺」嘅批評對個人學習嘅啟發。《岳陽樓記》要你分析「銜」遠山、「吞」長江裏面嘅「銜」字改成「接」會唔會更好，另外要比較古仁人同遷客騷人嘅分別。 乙部白話係李娟《「繁盛」》，敍寫作者一家喺新疆阿勒泰承租土地種植向日葵嘅故事。文章由想像一百多年前到當地開墾嘅先民開始，佢哋只帶着種子嚟到河谷，定居之後改變河道、開墾農田、濫捕魚兒，令魚群大量死亡。一百多年後作者一家嚟到河谷，農戶明知向日葵最消耗地力，但為咗生活仍然強行栽種。作者起初對人類為咗生存而掠奪自然表示厭惡，但設身處地之後厭惡漸漸變為體諒。末段作者見到大雪鋪滿河面，大自然卻生機萌動，最後以彷彿看到一百年前的人冒雪而來作結。 本篇以「繁盛」命名具有雙重意思，既祈盼萬物同人類嘅「繁盛」，也有反諷大自然之枯萎同荒涼。通篇借魚兒暗喻人類嘅命運，以「乳汁」喻人與自然和諧嘅關係，以「鮮血」喻生態惡化。文中亦用色彩寓意，紅色代表危險，金色象徵生命嘅活力同對「繁盛」嘅盼望。 文言兩則。第一則摘錄自《世說新語．任誕》，東晉時蘇峻作亂，一名郡卒故佈疑陣、佯醉直指庾冰藏身之處，令追兵以為只是酒後胡言，才令庾冰脫險。庾冰希望報答郡卒，郡卒出身卑微，只求適意，故世人評論郡卒有智且達生。第二則摘錄自《東坡志林》，劉伶常隨身帶一鍤，求死後即埋，免卻喪葬等繁文縟節。蘇軾認為按儀禮喪葬並不代表不「通達」，只要不執着、不妨礙本性即可隨心而為，而劉伶以免卻儀文以示「通達」實猶有所執，故並非真「通達」。 甲部：一個銜字四步拆 第 1 題字詞表現同去年相若。「是」字表現「一般」，部分人準確掌握到係代詞用這、此作答；也有考生只按句意答在、於，文句雖通卻非字詞之解釋，未能取分。率字不俗，亦有人答案混雜其他概念例如答都是因，雖符合句意但畫蛇添足。華字優異，間有表達欠精準例如答潔白、蒼白。報告總結一句，表現「未如理想」嘅考生多數只配詞作答，未能配合句意。 是字嗰題好值得記。你答在、於，句子讀落係通嘅，但題目問嘅係字詞解釋，唔係問你成句意思。呢個就係典型嘅答錯範疇，做字詞題先問自己呢個字係咩詞性，係代詞就要答代詞。 第 2 題考律詩格律表現「良好」，大部分人知道律詩偶句須押韻而首句可押可不押，只有部分人未能分辨心字為首句韻腳，兩個分題 63.2% 同 81%。第 3 題優異，95% 分辨到《師說》引文所用嘅說理手法係舉例。 第...

2023 DSE 中文卷一 考評報告重點｜十二篇範文《廉頗藺相如列傳》《月下獨酌》＋《我們去唱...

兩條尾題，全港都只得 12% 2023 卷一滿分 80 分，全港平均得分百分比約 43.2%，標準差約 13.5%。 塌得最勁嗰幾題好集中。問御史托夢寓意嗰題 12%，比較兩篇相通之處嗰題 12%，辨識山之仁用咩手法嗰個分題 12.8%，概括水嘅存在意義嗰個分題 19.5%，問生死相成嗰題 19.8%，問智者特點嗰個分題 20.5%，問老人垂釣景象嘅結構作用嗰題 24.3%，問點樣營造氣氛嗰個分題 26.5%，問《史記》詳略取捨嗰題 28.5%。 另一邊，辨識步移法同感官描寫嗰題有 90.7%，摘錄水嘅形態 83%，用典 80.4%，判斷寫作風格 79.6%。 同前幾屆一個樣。認手法、摘句子，全港都做到；一去到要你講點解、講關係、講寓意，就一齊冧。 嗰年考咩 甲部考《廉頗藺相如列傳》節錄同李白《月下獨酌》。考題涉及基礎文言知識、摘記名言佳句、寫作手法，以及篇章內容重點同主旨。《月下獨酌》寫詩人獨酌無親，卻偏偏幻化出月同影相伴，愈寫愈見其孤獨，最後以相期邈雲漢作結，全詩感情起伏不定。 乙部白話兩篇。《我們去唱歌》篇幅短小、筆觸平淡，記述一條村子衰敗嘅故事，村民努力奮鬥，捱過火災、地震，卻無法改變因蔗糖業式微而逐漸沒落嘅命運。全文以唱歌為脈絡，以朋友建議去唱歌開展，而以唱歌鼓勵自己、村子同甘蔗作結。文章冇華麗詞藻，第二段用白描已經呈現村莊破落蕭條嘅氣氛。 《一竿冷》則用《江雪》一詩帶出仁者樂山、智者樂水嘅感悟。仁者如山，厚德載物，襟抱眾生；智者像水，川流不息，不滯於物。作者藉答問闡釋山水彼此嘅價值，帶出「生死一體」、相輔相成。文末以簑衣戴笠嘅老人用樹枝作釣竿在江面垂釣作結，象徵連結山水。 文言篇章摘錄自紀昀《閱微草堂筆記》卷三，記述某御史因為受賂彈劾人而伏誅之後，向問官托夢嘅故事，藉此說明「哀矜勿喜」，犯人即使罪有應得，仍須存憐憫同情之心。考題另引「攘羊」一事，說明孔子對法理同人情嘅反思。 甲部：範文題...

2022 DSE 中文卷一 考評報告重點｜十二篇範文《魚我所欲也》《聲聲慢》＋ 周國平《一個人...

一條問莊子嘅題，全港得 12.2% 2022 卷一滿分 80 分，全港平均約 34 分，即係 42.5%，標準差 10.6。 塌得最厲害嗰幾題好有代表性。問點解「藏天下於天下」就唔會遺失，只有 12.2%。問「半人半神走了神就來了」嘅寓意，18.6%。問孟子保育「本心」嘅現代意義，19.5%。比較孔子同老子邊個較無私，23.5%。問點樣喚醒「精神性的自我」，25.9%。問「職業」同「事業」之別，29.9%。 另一邊，判斷詩歌主旨 88.4%，根據文意判斷「本心」詞意 83.6%，概括你審視嘅方式 80.3%。 呢一年落差特別明顯，因為 2022 有大量題目係考你有冇讀通一個抽象概念，讀唔通就一條都答唔到。 嗰年考咩 甲部考《魚我所欲也》節錄同李清照《聲聲慢》。除咗問論述手法，仲要你反思孟子提出保育「本心」一說嘅現代意義。《聲聲慢》就考關鍵詞句同文詞特色，亦須藉鴻雁意象分析作者嘅愁緒。 乙部白話兩篇都選自周國平。《一個人和三個人稱》借用三種敍事人稱嘅特點，闡述以不同視角審視自我嘅優缺點。第一人稱我以體貼嘅目光看自己，優點係能行己胸臆、表裏一致，缺點卻係我行我素甚至狂妄自大。第三人稱他以社會主流價值觀審視自己，優點係客觀冷靜，缺點卻係十分功利，令人容易為咗迎合社會嘅目光而迷失自我。而第二人稱你能以朋友嘅視角審視自己，既超脫又體貼，兼有並發揚咗我同他嘅優點，還捨棄咗兩者嘅缺點。作者最後提醒讀者，只有讀好書、沉思、欣賞藝術才能喚醒更高嘅精神性嘅自我。 《每個人都是一個宇宙》節錄強調只有確立自身嘅精神價值才能培養獨立自主嘅人格。若把人生依托於外物或社會大眾嘅標準，遇上挫折時難免一蹶不振。文中以「破船」比喻隨波逐流嘅人，以「錨」比喻可堅定人生方向嘅精神價值，以「賬簿」比喻心靈。作者亦引用愛默生嘅詩歌，以人代表把人生依托外物嘅一般人，以「半人半神」代表在現實中尋求精神價值嘅人，以「神」比喻能放下一切現實牽掛而精神絕對自由嘅人。 文言節錄三則簡短故事，分別出自《說苑．至公》、《呂氏春秋．貴公》同《莊子．大宗師》。第一、二則講楚王遺弓、老子指孔子仍有人物之分。第三則莊子先指出死生如晝夜般尋常，再以魚兒相濡以沫說明人生最大嘅執着莫過於生死；又指人們總係盡力不想失去擁有之物，例如藏舟於壑、藏山於澤，以為非常穩固，可是終究不過造化，「夜半有力者負之而走」。莊子認為執着於人己、物我、得失，正如魚相處於陸，只有相忘於江湖，以道觀之，忘掉物我之別、「藏天下於天下」，才永不會遺失。 甲部：虛詞同現代意義 第 1 題考生表現「不俗」，但錯別字頗為常見，例如窮、棄兩字筆畫錯漏不少。「約」字 67.4%，部分表述欠準確解作困難，未能辨識語意與貧困不同；偶有答簡約、節縮，未有考慮句意是否合理。「去」字 56.3%，不少人答離開、離去，未有留意句子嘅主語為今子之言。...

2021 DSE 中文卷一 考評報告重點｜十二篇範文《逍遙遊》《念奴嬌．赤壁懷古》＋ 芥川龍之...

一條選擇題，全港只有 7.2% 揀啱 2021 卷一滿分 80 分，全港平均約 37.9 分，即係 47.4%，標準差 9.7。呢一年題目數量比往年少，考生有更多時間細味課外篇章，平均分亦係頭十屆最高。 但塌落嚟嗰幾題一樣震撼。問莊子借「狸狌」為喻說明咩道理，只有 7.2%。問第二篇作者以引文收結全文嘅用意，13.1%。問以「論心不論行」做論孝標準是否合理，14.3%。問作者點樣從詩歌領悟到要放下驕傲，18.7%。問點樣用對比例子說明作者嘅批評，19.1%。 另一邊，辨識肖像描寫 97.9%，辨識行動描寫 96.1%，問月台描寫嘅作用 95.5%。 嗰年考咩 甲部考《逍遙遊》節錄同《念奴嬌．赤壁懷古》。 乙部三篇。《橘子》係芥川龍之介 1919 年嘅短篇小說，文潔若翻譯。寫年青人我本來覺得人生庸碌無聊，喺看見一位誤闖二等車廂嘅鄉下小姑娘努力打開車窗、為前來送行嘅弟弟拋送橘子之後，感受到姐弟間嘅深厚情意，由起初嘅鄙視厭惡變為由衷欣賞。小說藉我批評現代人冷漠消極嘅人生態度，點出人間溫情能緩解個體嘅空虛。文中隧道象徵人生嘅倒錯同灰暗，報紙內容象徵人生嘅無聊，橘子象徵溫情同希望。 《火車和橘子》係徐國能對《橘子》嘅讀後感。作者引述愛蜜莉．狄瑾蓀嘅新詩回應芥川消極嘅人生觀，露珠雖然渺小但仍能滋潤小草、映照世界，讓作者「感悟」到應該放下自戀同驕傲、用心去了解他人。文末作者設想自己係《橘子》中嘅弟弟，思考應該以什麼情懷去接住姐姐拋來的橘子作結。 文言節錄自《說苑．立節》，寫孝子申鳴。申鳴以孝聞名於楚國，本來為咗供養父親而拒絕相位，後來順從父親意願而出仕。三年後白公作亂並脅持其父，要求申鳴叛國投降。申鳴面對「忠孝兩難全」，選擇盡忠，擊殺白公，父親亦因此喪命，申鳴有感行不可兩全，最後以死謝罪。 甲部：全卷最低嗰題 第 1 題整體「良好」。「鄉」字 75.1%，頗多人準確掌握詞義，可見對常見通假字有一定理解，部分人只從句義推敲，解作曾經、一直以來、原本，冇顧及通假字嘅特點。「樹」字 82.4%，大部分人答種植或栽種，少數人解作種下、培植甚至養殖。呢題錯別字較嚴重，常見有植字右部件欠一橫、栽種誤作裁種。...

2020 DSE 中文卷一 考評報告重點｜十二篇範文《論仁論孝論君子》《登樓》《六國論》《岳陽...

有一題全港只攞到 5.4% 2020 卷一共設 23 題，滿分 90 分。甲部指定篇章佔 27 分，乙部白話文 45 分，文言文 18 分。全港平均約 39.1 分，即係 43.4%，標準差 12.2。 裂縫喺邊好清楚。問作者點解感到慚愧嗰題只有 5.4%，問作者對賢士君子有咩建議 9.5%，比較兩人心痛感覺嗰個分題 14.1%，問作者聯繫父親越來越少嘅感受 15.8%，問君子不憂或古仁人憂帶畀你咩啟發 19%，比較兩篇對故鄉睇法 23.6%。 另一邊，辨識外貌描寫有 98.8%，理解作者點解心痛 82.4%。凡係認、揀、搵，全港做得到；凡係要你講原因、講關係、講啟發，就一齊沉。 嗰年考咩 甲部考四篇範文，《論仁、論孝、論君子》、杜甫《登樓》、蘇洵《六國論》同范仲淹《岳陽樓記》。...